هذا الموضوع انا اراه مثل قصه اسلاميه وفيها رحمه الله عز وجل الذى سبقت عذابه
هذه القصه حصلت معى انا شخصيا قبل القصه احب اعرفكم المزيد عنى انا اخوكم محمد
مصرى واعمل فى السودان منذ 4 سنوات فنى تغليف
نبدء فى القصه
فى يوم قطعت الكهرباء والمياه فى وقت واحد احنا متعودين على كدا هنا فى السودان
بس فى اليوم ده لما الكهربه جات الميه مجتش واحنا مش عاملين حسابنا فى تخزين المياه
لان هنا المياه مينفعش تتخزن بتعمل باكتريا فى التخزين لعدم تنقيه المياه بطريقه صحيحه
المهم
اشترينا مياه من البقال مؤقتا لحين وصول المياه الحكوميه وبعد العشاء شربنا كل المياه اللى اشتريناها
ونمنا فى امان الله وبالليل فى الساعه تقريبا 4 فجرا قلقت من نومى وانا فى اشد حالات العطش
وطبعا جو السودان غنى عن التعريف بحرارته وبحثت عن مياه فى السكن ولم اجد ولو قطرات بسيطه
افتكرت انى ليا عصير فى الثلاجه جريت على الثلاجه وشربت العصير ونسيت انو عصير مانجو
العصير زاد العطش اكتر فات 5 دقائق وشعرت بان حلقى اتقفل تماما عن التنفس
والجو حر جدا جدا والعطش يزداد وبصراحه لم اعيش مثل هذا الاحساس من قبل على الاطلاق
وانا اسير بين حنفيات الميه من حنفيه لحنفيه وضاقت بى الدنيا فجلست وقلت يارب زمان فى حاله انقطاع الامطار
كانو يصلون صلاه استمطار
لكن الان ماذا افعل انا بين يديك وحياتى ملكا لك وحدك ماذا افعل ارحمى يارب
وكنت تركت حنفيه المياه مفتوحه وحتى لو رجعت المياه هنا لما المياه تنقطع وترجع تانى لازم نترك الحنفيه مفتوحه لمده ساعه
حتى تروق المياه من ما فيها من تراب واشياء تصطحبها المياه فى طريقها بعد انقطاعها
وانا جالس فى لحظات اشق لحظات حياتى مررت بها وانا اناجى ربى وهوا ربا عظيما كريم نعم والله بلا شك
رحمته وسعت كل شئ سمعت صوت فى حنفيه المياه وكان المياه كادت ان ترجع اسرعت على الحنفيه
وانا مثل المجنون رئيت الحنفيه تنزل مياه بطيئه جدا فى سمك قلم الكتابه تقريبا ومياه نقيه جدا جدا
فاسرعت واحضرت كوبا تخيلو المياه الذى نزلت بمقدار ما يشبعنى فقط انتصف الكوب من المياه فقولت اشرب
وبعد ما شربت انقطعت مره اخرى فحمد الله الكريم الرحيم حمد يليق بجلال وجه وعظيم سلطانه فعلا رحمته وسعت كل شئ
ارجو انى لم اكون مزعج بطول الموضوع لكن حببت ان كل اوحد منا له موقف معا الله او حصلت معه حكايه
تدل على رحمه الله ان يذكرها لانها تدعو الى الموعظه فى رحمه الله
وانا فى شديد الاسف على طول الموضوع
ربنا رحمتك وسعت كل شئ ربنا انتا الغنى ونحن الفقراء اليك فتقبل توبتنا وارحمنا فانت بنا راحم