احلى اعضاء واحلى اخوات فى الله وحشتونى جميعاااااااا

زائر

أجيـك نظرة .. تحتوي كل مـا فيــك

أجمعـك كلّـك صـورةٍ بيـن الأجفــان

اجيك بسمـة : ترتسـم فـي حراويـك

حدودها : أسمك نبرة أفـراح وأحزان

أجيـك موعـد قبـل وقتــه ينـاديــك

قبـل أنتظارك....والثوانـي والأشجـان

أنا مواكـب شــوق طــارت تـلاقيـك

أنا معازيمك ...حضورك.... والاقـران

أنا الغـلا و أكثـر مـن النـفـس مغليـك

مرخص لـك الدنيـا حبايـب و خـلاّن

أنا الوفاء رغم الجفـا جيـت شاريـك

بالروح مهمـا زايـدوا فيـك الأثمـان

أنا السّماح و لـوّك أخطيـت يرضيـك

اتحمّل أخطائـك علـى طـول الأزمـان

أنا الغَيور الّـي عـن الـذات يخفيـك

أمـوت غيـرة لـو يشبّهـك غلطــان

أنـا العطـور أليــا تنفّسـت يكفـيـك

قل وش تبيني لك وأنا أصير عنـوان

أنا الشتاء في الصيف والوسـم يرويـك

إن جيتنـي بالجـدي جيتـك بمـيـزان

أنا العطوف اليا قسـى الوقـت كاسيـك

ثوب الحنان إن جيتنـي ّ هـمّ عريـان

أنـا السّهـر لا نمـت عينـي تراعيـك

وأنـا نديـم الليـل لا صـرت سهـران

أنـا القصايـد جيـت الملـم قوافيـك

وأنا الغناوي فيـك يـا عـذْب الألحـان

وأنا الـذي لا ضـاق صـدرك يسلّيـك

أنا سـوالـف ليـل .... و كتـاب وجـدان

وأنا سحـابٍ طــاح من فــوق بيديــك

يمطر بلمساتك وتـورق بـك أغصـان

وأنـا أندفــاعٍ لـلـمشـاعـر يناجـيـك

و أنا طيوف حـول سـورك و الأركـان

أبختصرها .. وأعترف : جيـت هاويـك

أنا غرامك بس ....... في صورة أنسـان