احلى اعضاء واحلى اخوات فى الله وحشتونى جميعاااااااا

عيـب اشتـكـي غـربـال قـلـب ابتـلانـي**
يـتـبــع هــــوا نـفـســي ويـتـبــع مـطـفــق

عـايـش زمـانـي ويــش جــاد الـزمـانـي**
غـيــر الــقــراده وحــــظ مــاهــو مــوفــق

اسـعــهــا بمـنـاكـبـهـا وارجـــــع مــكــانــي**
ومتـنـي ارتـكـا لحـمـول بـالـزود تـرهـق

اتـلـجـلـج هـمــومــي بــعـــوج الـمـحـانــي**
ومابـحـت ســـدي وجبـتـهـا للمـهـرطـق

مـــدري قـضــا ولا هـــو الــحــظ جــانــي**
بــس الـمـهـم افـــرك بكـفـيـن واصـفــق

مــالــي جــــدا يــاكــود بــــدع الـمـعـانــي**
عـنـي وعــن هـمــي مـتــى الله يـفــرق

مـــدري قـــراده اقـــول يــومــه سـقـانــي**
هـمـلـول مـــزن الــهــم رعــــاد وابــــرق

مـانــي قـصـيــر ذراع ولانــــي جـبـانــي**
يــومــن غــيــري بالمـيـواقـيـف يـنـســق

ومــانــي ردي عـــــزوم مـلــفــا لـعــانــي**
وعــن واجـبـه مـاحـن نفـسـي ولارفـــق

يحضر نباي ان غبت يحضر كفاني**
وبـمـزارقـي لـلـطـيـب بـالـطـيـب اســبــق

حـزتــه لان ابــــوي وجــــدي ضـمـانــي**
راعــي الملـيـحـا عـبـيـد يـمـنـاه تـطـلـق

الـيــا انـعـقـد حـجــان والــقــول شــانــي**
بـراطـمــه مــــن شـفـهــا تــــرف اطــبــق

قـافـن طــرا مــن شـيـب للـنـاس بـانــي**
مـن جـور حظـي حـر رمضـاه يحـرق

صـكــت بـــي الـدنـيـا ومـــاالله هــدانــي**
لـوجـه اصـلـي قـبـل ماضـيـق واحـمــق

ومـابـي لـحـد فـزعـه وهـمــي عـصـانـي**
واخفـيـه ومـــن بـيــح خـوافـيـه أخـــرق

هـذا اللـي جــاد الفـكـر وجــاد السـانـي**
ان زال عـنــي هـــم جــــا هــــم اعــمــق

يعني انتصف عمري وانا فيه اعاني**
وسـطـرت سـيـرة هـــم للـعـمـر يـســرق