عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ,, ها عامل اية دلوقتي ؟
المفاجأة انه يرد عليها الحمد لله بقيت احسن
(كدة بالسهولة دي هو واخد حبة البركة ولا ايه )
------------ --------- -------
عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )
------------ --------- --------
عندما يصاحب مشهد التغرير بالبطلة لقطات الامطار الغزيرة والبرق
والرعد والشباك الذي ينفتح بقوة علي مصراعيه
( وتلاقي البطلة في الفيلم مصيفه )
------------ --------- --------
عندما تقول البطله للبطل انها حامل فيرد البطل على طول .. اللي في بطنك ده لازم ينزل
( غالبا بيكون يوسف شعبان )
------------ --------- --------
عندما تفاجئ باغنيه مالهاش أي لزمه في نص الفيلم مش عارفة اية العلاقه بين الاغنية والفيلم
------------ --------- --------
عندما يكون من المستحيل ان تجد الهاتف مشغول
------------ --------- --------
العبارة الساذجة الشهيرة التلي تصطحب مشهد القبض علي المجرم
( مفيش جريمة كاملة وانت فاكر انك هتهرب من البوليس بعملتك دي )
------------ --------- --------
عندما يخرج الطبيب من غرفة العمليات يرد جملة من ثلاث جمل
( اضطرينا نضحي بالجنين ) ( شدو حيلكوا يا جماعه ) ( العمليه نجحت بس
مش هتقدروا تشوفوه دلوقتي )
------------ --------- --------
عندما يجلس البطل والبطله في نفس الكازينو بتاع كل فيلم اللي في وش
ماسبيرو
ويطلبوا نفس العصير اللي في كل الافلام
( حاجه سأعه او كنز )
ويخلص المشهد من غير ما حد يشرب حاجة علشان هيتصور بالمشاريب دى فيلم تاني
------------ --------- --------
عندما يصاب البطل بطلق ناري في قلبه وتنزف الدماء من بطنه زي صلصلة
الكشري ويظل يتحدث بطلاقه وتركيز لمدة خمس دقائق
يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
------------ --------- --------
عندما تسمع صرير احتكاك كاوتش العربيات اللي بطارد بعض وتقريبا بتبقي
عربيات 128 وماشية حوالي 30 كليو وعلى الرمل
------------ --------- --------
عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس
تقولها لا علشان الحق المحاضرة وتبوسها وتمشي فتنظر الوالدة الي
الوالد ويبدأن في الدعاء
------------ --------- --------
عندما تغير حرب اكتوبر اخلاق كل المنحرفين الموظف المرتشي والجاره
اللعوب والبلطجي والمجرم بطبعه
------------ --------- --------
عندما تجد مقر العصابة ملئ بالقش والبراميل الخشبية التي تستخدم لاحقا في الخناقة
------------ --------- --------
جميع الطلبة يدرسون في جامعة القاهرة ويذهبون للجامعة مرورا بتمثال نهضة مصر
------------ --------- --------
جميع الطلبة يدرسون في كلية االهندسة ويحملون مسطرة حرف تي أو كلية الطب ويحملون بالطو أبيض
------------ --------- --------
الاب لقى ابنه مع الشغاله اللي كان يحبها فيقوله اطلع بره بيتي يا كلب
يقوم الابن يحاول يرد فيقوله الاب اخرس جات قطع لسانك
انت مش ابني ولا اعرفك
وفي الليل تلاقي الحج مع البت الشغاله
------------ --------- --------
لما المجرم يطلق على البطل خمسين رصاصه متجيش ولا وحده فيه
------------ --------- --------
عربيه 128 تلحق مرسيدس وتخبطها من ورا تقوم تلاقي المرسيدس اتقلبت
طب ازاي؟
------------ --------- --------
المجرم يهرب من السجن وتلاقيه جوه عربية الزباله والعسكري يجي يفتش
في كل حته ما عدا المكان اللي قاعد فيه المجرم
------------ --------- --------
سلم نفسك المكان محاصر وبرضوا يهرب
------------ --------- --------
دنا غلبان يا بيه وباجري على غلابه؟؟
------------ --------- --------
البطل يخبط البطله الطالبه وتوقع الكتب فينزلوا الاتنين يجيبيوا الكتب
فيحبوا بعض من اول نظره
------------ --------- --------
صعيدي يجي القاهره يسرقوه
------------ --------- --------
يطلع واحد يزعق ويقول مصر امي
------------ --------- --------
البطل يغني للبطله فتحبوا وتخونو
عشان يغنيلها تاني
------------ --------- --------
الام تدعي لابنها
ربنا يوقفلك ولاد الحلال
الابن: ربنا ما يحرمنيش منك يا ماما
وتلاقي في فمه سندوتش فول؟؟؟؟
------------ --------- --------
فيك مين يكتم السر
في بييييييييييييير
------------ --------- --------
تمام يا فندم
حضرة الظابط وصل
واخيرا ان كل البوابين اسمهم عبده
๑۩۞۩๑ (( رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء )) ๑۩۞۩๑
رجاء من أسرة منتديات قمر الزمان المصريه
نرجو من الساده الزوار والأخوه والأخوات الأعضاء عدم نشر أى أعلانات لأى مواقع أو مدونات أو مكاتبات
أو أى أرقام جوال أو فاكس أو تيلفونات أو عناوين
موضوع: ازاى تعرف انك بتتفرج على فيلم مصرى ؟ 
يونيو 9th 2009, 11:19