الفكره
****

أنتى بداية الكون 00 يا فكره متفسره

مشوارى ليكى عيون 00 هايمه ومتحيره

*****

يا فكره يا ام جناح 00 ضيك بلون الشوق

لو نلتقى هارتاح 00 واكسر بأيدى الطوق

*****

عصفوره أنا عطشانه 00 ويا الأمل محتاره

نفسى ألاقيلى مكان 00 وأبعد عن الأفكار

*****

يا فكره يا صفحات 00 مكتوب عليها حروف

ده زمانى عدى وفات 00 نادى عليه الخوف

*****

أنت طريق النور 00 وأنت ظلام الليل

سواقينا لو هاتدور 00 ها تجيب أغانى الويل

*****

ارجع يا ليلى نهار 00 نور لشوق عطشان

أفكارى لسه صغار 00 مش لاقيه ليها زمان

*****

أفكارى باأحزان 00 متلفعه يا سنين

وأقلامى جرح زمان 00 راسمه قلوب باكيين

*****

راكبه خيول الليل 00 والرعد والأمطار

والفكره لو هاتميل 00 هارجع أعيش محتاره

*****

ماليش يا عين أيام 00 باقيه فى عمرى جريح

دى سنين من أعوام 00 عند الشقا والريح

*****

خاصمت كل حنين 00 لربيع وهمس عبير

طول ما الدموع صادقين 00 هانعيش فى حزن كبير

*****

زى النجوم تايهين 00 بنادى على الفكره

خايفه يا جهد سنين 00 ترجع لنا مره

*****

دى الفكره متفسره 00 هى بداية الكون

هايمه ومتحيره 00 مشوارى ليها عيون