سعدت في شوفك وعشت بمزاياك

وأرتاح قلبي يوم شفتك قبالي

الحين تقدر تشلع القلب بيداك

والحين تو الحب جاله مجالي

وين أنت لك أيام ما شفت حلياك

وين أنت ياللي دايم ٍ في خيالي

أشلون لو ضمك فوادي وغطاك

بحدب الضلوع اللي بجوفي يا غالي

تبقى لزيم الروح وأبقى لعيناك

حبيبك اللي ما يجيبه خمالــــــي

يأم الغنج يأم الدلع لا عدمناك

يا فاتنة من ناظرك بالحلالـــــــــي

ينطل عقاله لجل يمشي على أرضاك

ويقولك لبيـــــــه بأول وتالــــــــي

حب الشرف ما جاء به إنسان عاداك

حب (ن ) تمرا فيه سود الليالي

يطعن حسد ذولا ويطعن هذولاك

تموت حسادك بصدق الدلالي

تعال شف جرحي نزف يوم ناداك

قلبي نزف دمه أمانه تعالي

عينٍ فراش وعين يغالي أغطاك

وإن ما كفاك الشوف أنزل بحالي